Meri Maati Mera Desh: Tripura himbotok khwlaikha tei panda kotor khwlaikha
Srangsalo kaisa kotorma panda khwlaikha Agartala o Meri Maati Mera Desh samung bwtang yago naharkha. Aboni bokocho wngwi himbotok panda kwrwngkha Tripura haste ni mantri okra Dr. Manik Saha. Kokthum tei hukumu bedekni luajimungbai khwlaijakha panda. Thai New Capital Complex o khwlaijakha panda.
A salo panda Tripura ni mantri okra sakha, Haa kotorni mantri bokhorok Narendra Modi Meri Maati Mera Desh samung bwtang yapri naharmani abo belai kotorma samung. Gola o haa supungwi Chwng abohai pogwisi thangjak haiphano bo muito khwlaiwi rwmabai chwng tini Tripura ni kami amchaini simi hangkhorni. Aroni simi bwkhasteo rohormani ulono paithago khoroksano barja yapharmani bisingtwi Delhi o rohorwi rwo o haa no.
A salni pandao mantri okra no karwibo kwrwngkha Ratanlal Nath, Sudangshu Das, Bikash Debbarma no khobwi tei kubuni samung tangnairog.
