Swrwngnairogni kokno khorogo wansugwi Tribal Student’s Union Higher Education ni thani Deputation
Tabuk ni o jora o Tripura hasteni swrwngnairogni dalbidal jwngjalni kokno twiwi kaibrwi sanmungno twiwi memorandum yapharlaikha Tribal Student Union Central Committee.
Sanmungrogni bisingo tongo college admission wngyarog teisa admission naharnani, Jampuijala-Karbook amchaio College swnamjakna, Khumulwng College o PG tei Kokborok course choil khwlaina tei MBB University o Kokborok subject choil khwlaina akorog.
Bwskangni salo teibo TSU ni bwkhaktwi yapri naharjaknai tei jeswk mansak chwng abono jwngjalni yak kakrwnani chaitoknai hwnwi sakha achukphang Sujit Tripura.
