Telimura RD Block ni kwtal chongjak adongjwkno lamsokha: Tribal Minister Bikash Debbarma
Srangsalo Teliamura RD Block ni kwtal chongjak panchayet samittee ni Vice Chairmen smai tangma panda khwlaikha. Kwtal chongjak adongjwkni mung Dipa Deb no kha kaham yapharlaikha tei lamsoklaikha. A salni pandao manjakha Tiprasa hamkrai mantri Bikash Debbarma.
Triprasa hamkrai Mantri Bikash Debbarma sakha, Dipa Deb sakno hamjakma haino tongkosong lukurogno hamjakdi tei samung khwlaithani ddalbidal jwngjal tongphano kha ta beldi.
Chongjak adongjwk Dipa sakha, bwskangni salo Teliamura tongkosong lukurogni bagwi nangkukjak sep yapharnai tei Tripura haphang ni joto sep sab tongmani aborogno ang hojak khwlaimungni bisingtwi o sepno yapharnai.
Pandao Teliamura RB Blockni kuchuk beremni adongrog tongo tei hoda hamkraini samung tangnairog kwrwngkha.
