Thwi rwmung khwlaikha SFI swrwng bodol
Chasalo kaisa pandani bisingtwi thwi rwmung sibir khwlaijakha SFI ni luajimungbai. Thwi rwmungo a salo kwbangma lukurogno thwi rwlaikha. Thwiwi thangjak Arun Deb ni phil thamchibrwi thwima salo bodolni bwkhaktwi palaijakha dalbidal thaio. A salni thwi rwmung pandao tongo kebangnai bodolni adong eba kwcham montri okra Manik Sarkar, Sandipan Deb tei Sujit Tripura no khobwi tei kubuni samung tangnairog.
