Tipra Indigenous Students Federation(TISF) ni freshers social meet panda kwrwngkha : TTAADC EM Suhel Debbarma
Sangrongsalo Tripura ni khowai o Tipra Indigenous Students Federation(TISF) ni freshers social meet khwlaikha. Pandao swrwngnai swrwngnaijwkrog no kwbangkhe kwrwngmani nukjakha.
A salo TTAADC EM Suhel Debbarma pandao kwrwngwi swrwngnairogni bwkhak naisigwi kahamkhe rwng swrwng khwlainani kokbo kwcharkha tei alaida khwlaiwi bwskangni salo bahaikhe kaham ni swlai teibo kaham khwlaiwi man ayang bwkhak naisigwino koklam sakha.
Abono karwibo a salo rwchapmung mwsamungbo pandabo khwlaijakha.
Panda EM no karwibo Khowai amchaini rwngthwng hapharni samung tangnairognobo kwrwngmani nukjakha.
