Tipra Motha Party(TMP) salsa ni koklam panda achuklaikha, bodolni phan no krak khwlaina bagwi
Koktisalo kaisa panda ni bisingtwi nangkukjak khwlaiwi koklam panda khwlaikha Tripura ni Santir Bazar, Manu, Sabroom, Hrishyamukh, tei JulaiBari ni TMP bodolni adongrogno twiwi. Bwskangni salo choba khwlaithani bodolni phan no bahaikhe krak khwlaiwi toniwi man aborogno twiwino koklam.
Chini manthai tei chini santhairogno chwng mungsatwino yakarjaknai kokya. Aboni bagwi chwng swkangwi ma himthai hwnwi sakha TTAADC CEM Purna Chandra Jamatia.
A salni pandao tongo South District ni TMP ni achukphang eba MDC Debajit Tripura, MDC Sadagar Kalai no khobwi kwrwngjak bedekni samung tangnairog.
