Tipraland ni horjolai Gandatwisa amchaio chwngsakha : Minister Sukla Charan Noatia
Tipraland ni sanmungno bwskango toniwi TTAADC ni VC Election ni swkangni Tripura joto hangkhor ni IPFT ni samung tangnairogno bahaikhe krak yapri sewi man ayang bwkhak naisingwino samung tangmani nukjagwi tongo.
Indigenous peoples front of Tripura(IPFT) Tripura ni Dhalai District ni Gandatwisa kami ni tongkosong lukurogno kha kuphurbaikhe yachakha abo swrai swrai hwnwi sakha Montri Sukla Charan Noatia.
A salni rally ni naharmung wngkha Creation for sperate state “TIPRALAND”.
Koktwmao sawi mankha a salo amchaini tongkosong lukurog Dhalai Fishery Ghat ni simi Gandatwisa hati jora khwlaikha rally kotorkhe.
Abono karwibo a salo dal bidal bodol ni samung tangnairog IPFT ni bana romlaikha.
Pandao manjakha bodol ni samung tangnai Prem Kumar Reang, Minister Sukla Charana Noatia no khobwi tei kubuni samung tangnairog.
