Tribal Student’s Union kaiba sanmungno twiwi Directorate of Secondary Education ni thani memorandum yapharkha
Sal kisa swkang Tripura hasteo dalbidal jwngjal tongmano haino areng achugwi tongyawi swrwngnai te hoda dophani jwngjalno twiwi choba khainai motha bwskango himwi samung tangwi tongo. abohaikhe tangsalo Tribal Student’s Union Central Committee bwkhaktwi kaisa deputation rwkha Tripura Directorate of Secondary Education ni thani. A salo kha kuphurbaino yachakha Memorandum no Shiksha Bhawan ni IAS Director Smt. Chandi Chandran.
TSU kaiba sanmungrogni bisingo tongo rwngnogo phwrwngnairogno sebuk o twlangnani, New Education Policy 2020 rosanani, Tripura hasteni joto rwngnogono Kokborok Subject choil khwlaijakna, Kokborok Subject o sebuk twlangjakna wngthun no khobwi stipend ni jwngjal tongmarogno twiwi swrai swrai khwlaina akorog. O Dalbidal jwngjal tongmarogno dakti dakti khwlai jwngjalni yak kakrwna bagwino TSU ni o yapri hwnwi sakha General Secretary Sujit Tripura.
A salo logio tongo bodolni kubuni samung tangnairog. Tongo TSU President Netaji Debbarma, Joint Secretary Boyar Debbarma, Kamaljit Murasing tei Ankit Murasing no khobwi kubuni.
