Tripura GUV hainohai sebuk 5% DA, TSR sebuk khwlainairog kotorma yakpai yapharjakha
Srangsalo Tripura hasteni sebuk khwlainairogni bagwi kotorma sokat yapharkha Tripura Haphang. Aboni bagwi khatunglaijak sebuk khwlainairog.
Sal kwdwk romwi hasteni sebuk khwlainairog buphuru DA bangrwno abono twiwi naisingjak tongmani. Phiya srangsalni sairik bwkhak haphang swrai swraikhe sakhwlaikha.
Koktwma thumnairogni panda khwlaiwi montri Sushanta Chowdhury sakha, haste haphang jeswk mansak chaitogwi tongo, bahaikhe teibo sebuk khwlainairogni chasamung rwui man aborogno twiwi haphang krak wansukjak. Phiya a salo taklai 5% DA sakhwlaikha montri.
Alaida khwlaiwi tei khaksa bwkhak montri okra Dr. Manik Saha Tripura hasteni Mandwi Binan Kobra Kami TSR camp kwrwngwi TSR ni hamkrai ni kokno tisakha. Aborogni bisingo tongo.
· Ration Money 1K tongmani 2K khwlaikha
· Dress ni bagwi 10K tongmani bisingo 12K khwlaikha
· Gymnasium ni bagwi 5L rwnani Gosikha
· TSR no naikini khwlainai Medical Officer no 60K rwnani
· 240 TSR Jawan no teibo kuchuk achukthai tisanani kok
· TSR Post tei mwthangmungni bagwi 5L.
