TSF(Tripura Students Federation) kwtal adongrogno lamsokma panda
38th Sadar East Divisional tei khumulwng unit TSF ni nangkukjak koklam panda khwlaikha.A salni koklam panda Bodolni bisiknwi ulo TSF ojamarogno gana toniwi kwtal adongrogno saiwi naharjakha. Khursathai kwlai TSF(Tripura Students Federation) bisi kwdwma romwi Tiprasarogni manthai eba dopha jwngjalo kwlaiwi tongphuru samobachawi samung tonglangkha tei tangwibo tongo hwnwi kokthum.
Abono karwibo TSF ni bwkhatwi kwbangma sanmungrog tisamani bisingo NIT(National Institute of Technology),Medical College akorog manwi paijak tei tabukni o jora Tirasarogni Kokborok kokni choba bahaikhe 8th schedule chitoknani eba roman scriptbai swinani koklamno twiwibo koklam krakhe salaijakha.
A salni koklam pandao manjakha President Samrat Debbarma, GS Samali Debbarma, Kwcham GS Sunil Debbarma, Neso Advisor Upendra Debbarma, Ex-VP Ratan Debbarma, Ramen Debbarma, Runit Debbarma, Chiranjit Debbarmano khobwi tei kubuni samung tangnairog. Pandani Ojama wngwi manjakha Sabir Kumar Debbarma(Hoda hamkrai samung tangnai).
