TTAADC Hamkrai buphuru phaino ? tei sal bwswk nangno luku ni samung !
Sangrongsalo hainohai thumsakhe malaikha Tipra Motha tei BJP ni tonghalok bwskangni salo bahaikhe samung humungrog khaijaknai aborogno twiwi koklam salaikha hwnwi koktwma.
Koktwmao teibo sawi mankha TTAADC hamkrai no twiwi laiwi thangnai salrogobo kwbangma malailaikha Tipra Mothani Party ni samung tangnairog Tripura hasteni montri okra Dr. Manik Saha.
Khursathai kwlaio BJP, IPFT tei Tipra Motha Party Tripura hasteo bwskangni VC Election thumsakheno batailainani kok. Phiya sabo eba bo party bwswk seat mano abo jora phaiphuruno sawi manai hwnwi koktwma.
Teikhaksa bwkhak ADC area ni bisingo khobjak tongkosong lukurog VC Election dakti khwlainano twiwino naisinglaijak tongmani.
Malaimungo tongo Tripura CM Dr. Manik Saha, Maharaj Pradyot Bikram Kishore Manikya Debbarma, TTAADC Chairman Jagadish Debbarma tei Shri Bijoy Kumar Hrangkhwal no khobwi tei kubuni.
