TTAADC Hapang : hukbar bedekni bisingtwi hukbar ni samung khwlainairogno bajakha power tillar
Kraksalo kaisa pandani bisingtwi Tripura hasteni hukbar khwlainairogni kokno khorogo wansugwi yapri naharkha TTAADC haphang. Abono rwksawino manwi khwnwi bakjakha. A salo khatung khaja pandani bisingtwino o yapri naharkha. TTAADC ni Hukbar bedekni bisingtwi Power Tillar bajakha.
A salni pandao kok nakrwkna thangwi EM Suhel Debbarma sakha, bwksangni salo TTAADC haphang hukbar simiya tei joto bwkhak naikini khwlaiwino samung humungrog khaijak hwnwi sakha. Teikhaksa bwkhak abo simi bwskangni salo teibo yapri sejaknai.
A salni panda khwlaijakha Khumulwng TTAADC Conference hall nogo. Manjakha kwrwngjak bedekni samung tangnairog. tongo MDC Ganesh Debbarma tei kubuni.
