Watwi mol ni nokha salthamni paithak Bidhan sabha khorang tisakha TTAADC Hamkrai no twiwi : Kebengnai bodol adong Jitendra Chaudhury
phasalo paithak watwi molni Bidhan sabha adhibition kebengnai bodol adong eba CPIM adong Jitendra Chaudhury khorang tisakha 6th Schedule eba TTAADC ni hamkrai no twiwi.
A salo kebengnai bodolni adong Jitendra swngmung tisakha Tiprasa hamkrai montri Bikash Debbarma ni thani, phirokmungo sakha TTAADC eba 6th schedule area amchaio kaichuku department wngnano twiwibo koklam salaijak.
Teikhaksa bwkhak oh jora TTAADC o jotowi achukthai tongmani kainwichi, phiya tabuk abobo jotowi tei kaithamchi wngnai hwnwi sakha montri.
Teibo sawi khwnarwkha laiwi thangnai 2019 bisio Tripura haste Bidhansabha adhibition 125th amendment bill pass khwlaiwi rohormani, abo daktino yapri naharjaganw tei hamkrai ni halok bonai hwnwi sakha montri Bikash Debbarma.
