Welcome to IPFT : Minister Sukla Charan Noatia khabai lamsokha dalbidal rwngthwng bodolni adongsongno
Kraksalo Tripura hasteni belai kwcham rwngthwng bodol hwnwi sinijak Indigenous people front of Tripura(IPFT) him botok khwlaikha Tripura hasteni Kanchanpur Division Committee ni bwkhaktwi.
A salo amchaini lukurogno himbotok o kwrwngmani nukjakha.
Tripura hasteo IPFT bodol BJP bodolbai thansakhe yapri naharmani bisingtwi tabuk twrwk twrwk bodol ni bodolni phan no krak khwlainano twiwi Montri Sukla Charan Noatia yapri naharjak.
Koktwma sawi mankha a salo khung snichinwi nukhungni khorok sracharchisa Voters IPFT bodol o kwrwngkha.
Pandao manjakha Kanchanpur Division ni adong, Kwcham montri Prem Kumar Reang, Montri Sukla Charan Noatia no khobwu tei kubuni samung tangnairog.
