Puthiba Welfare and Cultural Societybai songchajak salsani pandao kwrwngkha CM Dr. Manik Saha
Image Source: Social Media
Bisi brum brumni haikhe taklai bisio hohom dodomkhe tei naithothokhe panda khwlaikha Agartala ni Puthiba Welfare and Cultural Societybai luajijak panda salsani banik. Tripura hasteni Manipuri dophani bisingono abohai mangpili nukjago. Manjakha Tripura CM Dr. Manik Saha.
Alaida khwlaiwi a salo Montri okrani yak romwino kwtal swnamjak pakani noknobo phiyogwi rwkha.
Pandao Montri okra sakha, bisi brum abohai Manipuri dophani bisingo abohaikhe yapri naharwi tongmano twiwi bolaiwi koklam sakha. Tei bubagra molni simi Tripura hastebai Manipuri haste belai halok kaham. Jeswk manjak Tripura haphangbo chaitogwi tongo thinango teibo kaham khwlaiwi baithangni hukumu akorogno kahamkhe naikolnani.
Manjakha a salo Manipuri cultural ni nangkukjak adongrogno khobwi tei kubuni adongrog.
