Bisi brum brumni haikhe taklai bisiobo AGMC tei GBP Hospital ni philnwichinwi songchama sal palaikha khatung khajani bisingtwi. O sal belai laibuma sal hwnwi khakalaiwi kwbangma saknaikwrwng tei swrwngnairog pandao kwrwngmani nukjakha.
Pandao tongo Tripura CM Dr. Manik Saha, sakhamni kuchuk beremni samung tangnai Kiran Gittee no khobwi tei kubuni samung tangnairog.
Koklam sana thangwi CM sakha, Northeast zone ni bisingo o sakhamnok belai mung kuchugo kwsajak, abono karwi agini swlai phatar hasteo sakhamyarog thangmani belai kisa wngkha. Thinango sakhamni tangdal teibo kahamkhe naharnani kokbo sakha.
Sathai kwlaio taklai bisini philnwichinwi songchama salni naharmung wngkha "Together Towards Better Healthcare & Brighter Future".
