Koktisalo Tripura hasteni tonghalok tei derakoro wngma patimungno twiwi krak koklam sakha DGP Anurag Dhankar. O patimungo gwdaljakrog twrwk twrwk yaphao chobwi tongo tei koklambo swngjagwi tongo hwnwi koklam. Swrai swraikhe sana thangwi bwskangni salo daktino teibo krak yapri naharjaknai.
Agartala West Police Station joto berai naimani ulo tei bedekni samung tangnairogbai koklam salaima o koktwma kwsawi phaikha.
Teikhaksa bwkhak Silachari-Manubankul amchaio tungphlama patimung patimao tabuk twrwk twrwk kwchang kwchang wngmani koktwmabo sawi khwnarwkha.
