Tangsalo Sepahijala hangkhorni bisingo khobjak Co Operative weeks no rwksawi ha kotorbai baksa Tripura hasteobo kwrwng kwrwng thaio o salno palaijakha. Abohaikhe Gabordi Lamps ni khungsa super market phiyogwi rwkha montri Sukla Charan Noatia. Abono karwibo a salo kwbangma societyrogno Award, best performing, Micro-ATM tei share ceriticate akorogbo yapharjakha.
Minister of Cooperation Sukla Charan Noatia sakha, Joto borokno sebuk, Politician, Officer akorog wngwi manya. Aboni bagwi abohaikhe kwbangma societyni bisingtwibo tabuk twrwk twrwk hamkwrai tubunani chaitokjak Bharat Haphang. Khoroksa borok sak saichung tabuk kotorma baniya khwlaimabai baksa palkhe baniya khwlaimani abosi teibo dakti hamkwraini lam co operative department ni bwkhaktwi jeswk mansak chubachuni yakbo rwjak.
Alaida khaiwi buphang bwsa tei Co operative weeks policy bijapbo kangsa tikhwlaikha.
A salni pandao manjakha kubuni bisingo manjakha RCS Dasharat Debbarma, Secretary Tapas Roy, MLA Manab Debbarma, MDC GIta Debbarma, General Manager Aparna Debbarma, Gabordi Lamps President Puniram Debbarma no khobwi tei kubuni adongsong.
