Phasalo songdokchisa M-PACSno Computer yapharkha Co-Operative Societyni bisingtwi. A salo Tripurani Co-Operative Minister Sukla Charan Noatia societyni samung tangnairogno Compuer akorog yapharkha. Naharmung bwskangni kami amchaini tongkosong lukurogno bahaikhe yapri krak khwlaiwi tisawi man aborogno jai khwlaiwi tisana bagwino o samung bwtang hwnwi koktwma.
Koktwma sawi mankha thinango teibo kami amchaio bahaikhe hamkrai khwlaiwi man ayang bwkhak naisingwi Govt. Of India kwbangma yapri naharwi tongo.
Left RCS Dasharat Debbarma & Right Minister Sukla Charan Noatia
koklambo mwchang Montri sakha, Norogni thinangno tei norogni samungno teibo kahamkhe khwlainani bagwino Kendra haphang tei haste haphang samung tangwi tongo. Aboni bagwi norog kha kuwarkhe samung khaidi.
Pandao manjakha RCS, TSCBni Chairman, NABARDni GM, AGM tei kubuni nangkukjak adongrog.
