Bisi brum brumno o salno borom rwui International Yoga Day palaimani nukjago. Abohaikhe Tripura hasteobo o salno palaikha. Sakmang kaham tei bemarbai hakchal khwlainano twiwi Yoga sal palaijago.
Taklai bisini Yogani theme wngkha Yoga for Healthy Ageing.
Abohai mangpilino nukjakha Tripura hasteni CM Dr. Manik Saha, Minister Tinku Royno khobwi tei kubuni samung tangnairogbo pandao kwrwngkha. A salni panda Hapania International Ground songchajakha.
Tei khaksa bwkhak 12th International Day of Yoga palaikha Tripura hasteni Dharmanagar bwkhak bolong montri Animesh Debbarmano khobwi tei kubuni.
Hukbar montri Ratanlal Nath philchinwi International Yoga Day palaikha Mohanpur Bidhansabhani Tulabagan amchaini Football Groundo. Pandao kubuni samung tangnairogbo manjakha. Koklam sana thangwi cheraiphuru yoga khaimano kitingwi kok kwcharkha.
