Tripura NCC Fast 2025 hohom dodom khwlaiwi pailaikha
Image Source: Social Media
Sangrongsalo bisi brum brumni haikhe taklai bisio naithothokhe palaikha Tripura NCC Fast 2025. Khatung khajakhe pandao kwrwngkha Tripura CM Dr. Manik Saha.
Abohai panda belai nangkukma khwlaimani bagwi panda songchanai Tripura NCC Unitno puila khakchangma yapharkha.
Koklam sana thangwi CM sakha tabukni o jora eba o mol belai laitesakhe jephano manwi tei tomung manyakhebo belai kutuk, abono naithothok khwlaiwi tisanani wngkha hodani swrwngjak adongsong.
Abono karwibo jephuru siklarog NCC Uniform chomwi nongkhoro panthoto aphuru belai khatwtwng ma tonglaio chwng tei wngnabo nango.
Narsingarho songchajak TIT, Tripura CNN Fast, nukhungni bororok chaitokmungni bisingtwino o yapri.
Manjakha pandao songchanai bodolni adong tei hoda hamkraini samung tangnairog.
