Sal kwdwkmani sanmung tongmani supungjakya wngwi khorang tisalaikha Social Welfare & Social Education thangwi. Tripura hasteni kwbangma abohai samung tangnairogno a salo kwrwngmani nukjakha.
Tungphwlajak lukurog salaikha, talni ulo tal phaiwibo mungsa sanmung supungjakya tei nukhung-hukung cholinani belai jwngjal hwnwi koksilsamung rwlaikha.
Aboni ulo tungphwlajak tongkosong lukurog bedekni samung tangnaibai malaikha tei memorundam kaisa yapharmanibo nukjakha. Tei dakti samung chanani kokbo sakha. A salo Tripura hasteni kai sarachibrwi centre ni samung tangnairog panda kwrwngkha hwnwi koktwma.
