Naredra Modi tei Bill Gates : Health, Education, AI tei bwrwirogni phan no twiwi krak naharmung !
Bharat ni mantri bokhorok Narendra Modi tei Microsoft co-founder Bill Gates bai malaikha. Dalbidal kokmangno twiwi kok salaikha khoroknwini bisingo. Aboni bisingo AI(Artificial intelligence), Health, Education no karwibo kubuni samung humungrogno twiwibo koklam salaikha.
A salo PM Modi sakhamni tangdalno naisigwi bahaikhe kami amchairogni tong kosong lukurog sakhamno twiwi hojak wngwi man ayang bwkhakbo naisikjakni koklam sakha.
Abono karwibo a salo Bill Gates no teibo sawi khwnarwkha bahaikhe bwrwirogni phan no haa kotorni bwkhak krakhe twidulwi man abono twiwi sana thangwi sakha Namo Drone Didi project ni bisingtwi hamkrai tubunani bagwi kaisa kotorma project chengsawi rwjakha.
