Swkango sakhwlaijakno rwksawi Union Minister of Rural Development Shivraj Singh Chouhan VB-GRAM G Act o Rs 25,000 crore rangni sanction rwkha. Tongkosong lukurogni kokno wansugwi Bharat ha kotorni hamkraino naisigwino o samung bwtang.
1st Julyni simi o samungo chitokjakha, abono kitingwi Video conference ni bisingtwi sanction khaikha Union Minister.
Koklam sana thangwi Union Minister sakha, laiwi thangjak jorao MGNREGA no samung charwnani bagwi bisiktham hai nango, phiya chini haphang tongmani bagwi aswk jwngjal kotor achaiyawino VB GRAM G Actno pass khaikha tei lukurogbo hamkrai wngnai.
