Chasalo Tripura hasteo hohom dodomkhe phiyogwi rwkha TTAADC CEM Runiel Debbarmani yak romwi Thansa Cup 2026. Pandano luajinai wngkha Khumulwng Welfare Society. A salni pandao tongo MDC Gita Debbarma, MDC Suraj Debbarma, EM CK Jamatia,MDC Jiten Debbarma, MLA Brishaketu Debbarma, MLA Biswajit Kalaino khobwi tei kubuni adongrog.
Koklamo sakh CEM phekmungni kakna bagwino abohai yapri naharwi samung tangwi tongo tei thinangobo tangjaknai. Alaida khwlaiwi sana thangwi laiwi thangjak jorani simi abohai Football thwngmungrog mwthwngjagwi tongo.
Abono karwibo tongkosong lukurognobo kwbangma ground kitingwi kuthumani nukjakha.
