1st State Level FPO Mela Tripura hasteo songsajakha : FPO ni bisingtwi thinang lam
Tangsalo FPO Mela khaikha Tripura hasteni FPO songsajakrogno twiwi. Bwskangni salo Tripura haphang bahaikhe tongkosong lukurogno aborogni sep kotor yapharwi man aborogno twiwi no samung bwtang khaijakha.
Khursathai kwlaio Bharat ni montri bokhorok Narendra Modi ha kotorni bwrwi, chwla, sikla tei kwrwija tongkosong lukurogni kokno khorogo wansugwino haphang samung tangwi tongo. Kendra haphang abono twiwi 2020 bisini simino yapri naharwi samung tangmani.
Nokha saltham ni banik o Tripura hasteni hukbar montri Ratanlal Nath kaibachichar Block ni kai bachichar FPO tongmani aborog ni samung humungrogbo a salo phunukjakha. Bwskangni salo teibo kaham yapri naharjaknai.
A Salni phiyokmungni pandao manjakha Pura Nigam ni Mayor Dipak Majumder, MP Rajibe Bhattacharjee no khobwi tei kubuni nangkukjak adongrog.
