Laiwi thangnai sal kisa swkang Tripura hasteni hukbar bedekni bwkhaktwi kaisa belai nangkukma koklam panda khwlaijakha. O koklam panda phainai nwichisni salmarini simi nwichichuku salmario jora Delhi hasteni Major Dhyan Chand National Stadiumo khwlaijaknai nokha saltham romwi panda.
Tripura hasteni Queen Pineapple(GI) manjakno twiwi panda kotormakhe songchajaknai. Tripura Global Pineapple Festival 2026 khwlaijaknai.
O koklamno twiwino hasteni hukbar montri Ratanlal Nath, Bolong montri Animesh Debbarma, Tourism Minister Sushanta Chowdhury, Tribal Minister Bikash Debbarma tei Baniya montri Santana Chakma akosongbo manjakha.
