Bisi brum brumni haikhe taklai bisio Tripura haste World’s Indigenous Day palaina bwkhak Tripura Tribal Areas Autonomous District Council (TTAADC) Agartala o. Khatung khajani bisingtwi hayung ha kotorbai baksa Tripura hasteobo o salno borom rwuino palailaio eba khwlaijago.
ADC tang bedek o o salno bahaikhe naithothokhe palaijaknai o kokno rwksawibo koktwma thumnairogni panda khwlaiwi sakhwlaikha Shri Rajeshwar Debbarma,Hon’ble Convenor of the Committee (MDC).
Abono karwibo o salo joto pandao kwrwngnairogno naithothokhe baithangni kanmung chumung chumwi tongkwchangni bisingtwi o salno palailainani kokno twiwibo sakha.
A salni pandao manjakha
Shri Rabindra Debbarma,Hon’ble Chairman of the Committee (MDC). Shri Rajeshwar Debbarma,Hon’ble Convenor of the Committee (MDC), Shri Biswajit Kalai,Hon’ble Co-Convenor(MLA), Smt.Gita Debbarma,(MDC) Shri Suraj Debbarma,(MDC) Shri James Debbarma,(MDC) Shri Budha Kumar Debbarma,(MDC) Smt. Manihar Debbarma,(Social Worker) Shri Sajora Debbarma,(Social Worker) Shri Lama Debbarma,(Social Worker) khobwi tei kubuni.
