86th Central Reserve Police Force Day : 27th July 1939

by Gobin Debbarma - Jul 27, 2024 12:23 PM

Phasalo 86^TH Central Reserve Police Force sal palaikha. A salo hohom dodom khwlaiwi o nangkukjak salno palaikha. O sal songsajakmani wngkha 27^th July 1939 bisio.

Bharat ni mantri bokhorok Narendra Modi social media sakha, o salno twiwi CRPF ni brindiyarogno ang kha kaham yapharo. Haa tei dopha ni bagwi samung khwlainairogno teiwaisa kha kaham yapharo. Borogni kha kotor tei tongkwchang mwthangmung rwui tongmano twiwi borogni samungno ang bolaio.

86^th CRPF Raising Day no rwksawi DG Sh. Anish Dayal Singh no khobwi tei kubuni kuchuk beremni brindiyarog haa ni bagwi langma rwnairogno muito khwlaiwi eba mangpili o khum bogwi khulumlaikha.

Abono karwibo Minister of Home Affairs of India Amit Shah twit khwlaiwi sakha CRPF ni o sal belai nangkukjak tei aboni logi logi borogno khulumjao barja khwlaina thangthani langma rwnairognobo.