9TH State Ayurveda Day palaikha Tripura hasteo : manjakha Tripura CM Dr. Manik Saha
Kraksalo kaisa pandani bisingtwi philchuku State Ayurveda Day palaikha Tripura hasteni Pragna Bhavan. Kokbothoma wngkha Ayurveda Innovations for Global Health.
Koklam pandao montri okra Dr. Manik Saha Ayurveda sak naimung wngkha kaisa belai kwcham. Haste gwnangwino tabuk kwbangkhe aboni bisingtwi yapri naharjagwi tongo.
Tripura haphang chaitokjak bwskangni salo daktini medical hub swnamwi tisanano twiwi o yapri naharjagwi tongo eba naharjaknai.
Alaida khwlaiwi a salo montri okra teibo sakha 2014 bisio puila kendrao Narendra Modi haphang khamani ulo o yapri naharjakha.
Pandao manjakha sakham naikol bedekni kuchuk beremni samung tangnai Kiran Gitte no khobwi tei kubuni samung tangnairog.
