Arvind Kejriwal teisa kiphilphinai achuthaio, tonganw Atishi Marlena Delhi CM wngwi

by Gobin Debbarma - Sep 17, 2024 3:34 PM

Kraksalo diporo Delhi CM Arvind Kejriwal achukthai yakarkha. Bini achukthaio tonganw Atishi Marlena. Dalbidal kokmang achaiphano mungsa ta wanadi hwnwi sakha Arvind.

Khursathai kwlaio sal kisa swkang Arvind Kejriwal kaisa pandao kwrwngwi samani ang alongnogo(Jail) suda habnani nangkha abo jotono sio tangwi habnani nangkha. Phiya chwng sawi mano jewkphano jwngjal achaithun ang mungsa wanaya tei norogbo ta wanadi, ang kiphilnai teisa.

A salni koklam pandao tongkosong tongnai lukurog mungsatwiphano gosilailiya.

Aam Aadmi Party ojama Arvind Kejriwal twit khwlaiwi sakha tei kha kaham yapharkha kwtal CM Atishi Marlena Singh no.

Koktwma thumanairogni panda khwlaiwi Atishi sakha, jeswk jwngjal phaiphano mungsa wanana kwrwi.