Bharat Former PM Manmohan Singh langma chokha omor bisi chukuchinwi o : philchukuchinwi Bharat ni barja naharjak tongmani

Bharat ni kwcham Montri bokhorok  Dr Manmohan Singh langma chokha laiwi thangnai horo. Bini langma chomano twiwi khakhamani boyar sibsajak. Langma chophuru bini omor chukuchinwi. Langma chomani thai All India Institute of Medical Sciences, Delhi.

          Koktwmao sawi mankha sangrongsal ni horni damcharswk tamphuru atomsa Emergency o admission khaijakha. AIIMS ni bwkhaktwi sakhwlaijakha joto naikini khwlaimani ulo paithago narwkgwi manliya hwnwi sakha.

          Jora kwdwkma romwino sak hamya wngjak hwnwibo koktwma tongmani. Manmohan 2004 bisi ni simi 2014 bisi jora Bharat ni Montri bokhorok tonglangkha. Bisi thamchitham barja naharmani ulo o bisi ni April tal o Rajya sabha ni barja yakarmani.

          Teibo sawi mankha 2004 bisi ni simi 2014 bisi jora Bharat ni philchitham montri bokhorok ni barja manmani.