Bharat ni mantri bokhorok Modi puila Ukraine thangwi malaikha Volodymyr Zelenskybai
Phasalo New Delhi ni simi India PM Narendra Modi Ukraine thangwi sogwikha. Ukraine President Volodymyr Zelensky khatung khaja wngmani nukjakha.
Kainwi hayung haa kotorni hamkrai ni koklam no twiwibo krakhe koklam salaikha. Teibo nangkukjak khwlaiwi jephuruphano jesa jwngjal phaiphuru khorang tisanani koklambo salaikha hwnwi koktwma.
Koktwmao teibo sawi mankha Ukraine President Volodymyr Zelensky o koklam pandao ani haa kotor o panda khaiyawi India o khaikhe teibo hamkuknai hwnwibo bolaiwi sakha.
India PM Modi sakha, bahaikhe sakham ni hamkrai no twiwi teibo yapri naharjagwi man aborogno twiwi koklam.
