GUV Indra Sena Reddy Nallu bai Chhattisgarh Journalist malaikha Tripura Raj Bhavan o
Chhattisgarh ni kokwtam thumanirogni Tripura GUV Indrasena Reddy Nallu bai malaikha sangrongsalo. A salo Tripura ni Raj Bhavan no malaikha koktwma thumnairog.
Guv sakha, Tripura belai tongkwcham halok bolaio jesa borokbai phano tei Tripura belai kwchangdodor tongkhor. Aroni bororok belai kaham. Alaida khwlaiwi Journalist phatar hasteni phainairogno Tripura ni laibuma, Tripura ni dalbidal thaio beraikhiri khwlairwjaknai.
Koktwma thumanirogbai a salo dalbidal kokmangno twiwi koklam kwrwngkha borog Guv bai. Bahaikhe bwskangni salo teibo koktwmani bisingtwi hamkrai tubuwi man aborogno twiwibo kok salaijakha hwnwi koktwma.
