India 508th Train Station ni bisingo Northeast Frontier Railways Kumarghat phiyokjakha

by Gobin Debbarma - Jul 6, 2023 11:01 PM

Koktisalo kaisa pandani bisingtwi salka babai hasteni Kumarghat Railways Station phiyogwi rwjakha. India ni Prime Minister Narendra Modi joto 508^th Railways Station phiyogwi rwkha Video Conference ni bisingtwi. Kumarghat ni o station phiyoknano twiwi swkangno social media o kokthum tunsajak tongmani.

Northeast Frontier Railways Tripura ni bisingo joto 28^th Station tongo. aboni bisingo Tripura ni jotoniswlai kotor Agartala Railways Station. Bharat ni Montri bokhorok Narendra Modi Amrit Bharat Station Scheme bisingo khobjakha Tripura Kumarghat Railway station.

Kokthum o sawi mankha, tei kisani ulono India-Bangladesh Railway choil wngnani bwkhak. Aboni ulo Tripura baniyakhor o teibo hamkrai phainai hwnwi khakalaijak tongkosong lukurog.

MP Rebati Tripura sakha, bwskangni salo teibo hamkrai wngnani bwkhak Tripura. Jora simi naisingtwi tongdi.

A salni pandao manjakha Tripura salka babai hasteni MP Rebati Tripura, Northeast Frontier Railway kuchuk beremni tangphang tei amchaini sijak nukjakrog no khobwi swrwngnai swrwngnaijwkrog. Teikhaksa bwkhak lukurog abohaikhe manwi khatung khaja wngmani nukjakha.