Kerala Reports Mpox Case : Health Minister sakhwlaikha abono twiwi jaikhe naikini khwlainani
India ni Kerala Mpox bemar hamya khoroksa manjakmano twiwi amang chalaijak tongkosong lukurog. Abono twiwi jai jai khwlaiwi sakham bedekni bwkhaktwi yapri naharjagwi tongo.
Koktwma sawi mankha khoroksa o bemar tubumani koktwma wngkha sal kisa swkang UAE ni khoroksa Kerala o nogo kiphilmani aphuru ni simino o bemar Kerala hasteo habmani hwnwi khakalaijak wansuk kwrwngrog.
Kerala hasteni sakham montri Veena George sakha borogno jotono nogo tonijakha tei borog biyang bahaikhe habkha aborogno twiwi phunukmung khwlaijaknai hwnwi sakhwlaikha.
Jeswk mansak bwskangni salo bahaikhe teibo sakhamni tangdal bwkhak krak yapri naharwi man ayang bwkhak krak yapri naharjagwi tongo hwnwi koktwma.
