Loksabha Chongbari : Tripura hasteo bahai kobolmung kwlaiwi man?
Tangsalo New Delhio kaisa nangkukjak koklam panda achuklaikha Hon’ble Union Minister of Home Affairs & Cooperation Minister Amit Shah bai malaikha Tripura hasteni mantri okra Dr. Manik Saha.
Loksabha chongbari phairwrwk aswkno chango ri khalaiwi bwskango nongkhormani nukjagwi tongo Tripura hasteni BJP ni samung tangnairog. Khursathai kwlaio salka babai tei salthang babai o kainwi achukthaio Tripura hasteni bagwi belai nangkukjak achukthai. Abono twiwi joto bwswk joratwi BJP ni phan eba bodolni samung kaham khaiwi o kainwi achukthaio bahaikhe kwplai khwlaiwi manai aborogno twiwi malaikha hwnwi kokthum.
Alaida khwlaiwi Tripura hasteni dalbidal beremo teibo hamkrai bahaikhe khwlaiwi man aborogno twiwi krak kok khajakha hwnwi sakbaithangni social mediao kok sakha Tripura CM Dr. Manik Saha.
Taklai Loksabha chongbari Tripura hasteni nokbar swlainano twiwibo baksa baksa kwbangma rwngthwng bodolni adongrog eba rwngthwng bodol pali akorog swlaimungbo nukjagwi tongo.
Teikhaksa bwkhak taklai Loksabha Chongbari ni main hore wngwi mano Tipra Motha Party hwnwibo khakalaijak tongkosong lukurog.
