Modi : Hira ni swlai teibo hamkrai wngnai Tripura hasteo
Srangsalo Agartala ni astable ground lukuthum panda khwlaikha. Swkango sakhwlaijak tongma haikheno a salo thangwi sogwikha PM Narendra Modi. Phainai 19th April tei 26th April Tripura ni East tei West Tripurao Loksabha chongmarino kitingwino o koklam panda.
Koklam pandao West Tripura tei East Tripura BJP ni candidate Biplab Kumar Deb tei Maharani Kriti Devi Singh Debbarma bwskangni salo Tripura hasteni hamkraini kokbo sawi khwnarwkha.
PM Modi pandao kwrwngwi sakha phainai Loksabha chongbario Tripura ni kainwi achukthaiono BJP batainairogno kwplai khwlaidi. Abono karwibo Tripura ni bagwi tei nangkukjak khwlaiwi yapri naharwi tongo. Teikhaksa bwkhak omor chakrarogni kokno khorogo wansugwi sakhamni tangdalo Ayushman Bharat ni bisingtwi 5Lakh hai manai.
Pandao kwrwngkha Tripura CM Dr. Manik Saha, BJP ni Pradesh achukphang Rajib Battacharjee no khobwi tei kubuni samung tangnairog.
