NFLT tei ATTF kaham lamao kiphilkha khorok baracharchibrwi(584) adongsong, manjakha Tripura CM Dr. Manik Saha

by Gobin Debbarma - Sep 25, 2024 4:14 PM

Kraksalo Sepahijala hangkhorni Jampuijala TSR 7^th Battalion no hokang balnai Tripura ni NLFT tei ATTF ni khorok baracharchibrwi adongrog kaham lamao kiphilkha. Raidani bisingtwino a salo borogno lamsokha Tripura haphang ni wngwi Montri okra Dr. Manik Saha. 

A salo kok narwkna thangwi montri okra Dr. Manik Saha sakha tongkwchang ni bisingtwi hamkrai wngo. Hamkraino twngsasusu kaisa lama. Tinini sal laibuma khursajaknai sal. Krasalo abohai hamkraino rwksawino NLFT tei ATTF kaham lamao kiphilwi phaikha. 

Northeast hamkrai wngya hinkhe India hamkrai wngwi manya. Abono twiwi krakhe India Govt. yapri naharkha tei thinangobo naharjaknai hwnwi sakha montri okra Dr. Manik Saha.

Montri okra teibo sakha, thangnai 4^th September o Delhi kendra nukhung hamkrai montri Amit Shah ni manjakmao Kendra haphang, Tripura haphang, NLFT tei ATTF bisingo kaisa gosilaiwi samung tangnani kokno khursakha.

Ulo twrwk twrwk NLFT tei ATTF ni silai-patham akorogno khoroksa khoroksakhe yapharlaikha.

Teikhaksa bwkhak a salo Tripura Police kuchuk berem ni samung tangnairogbo manjakha.

Pandao manjakha NLFT(BM) President Bishwamohan Debbarma, NLFT(PD) President Parimal Debbarma, NLFT (ORI) President Prasenjit Debbarma and ATTF President Alindra Debbarma. NLFT and ATTF Mothani 584 adongrog Silai yapharkha.