Nokha salbrwi ni bagwi India sogwikha Jamaica PM Dr. Andrew Holness
Tangsalo Jamaica Prime Minister Dr. Andrew Holness New Delhi o sogwikha. Bono a salo lamsokha India ni Union Minister of State Finance Pankaj Chaudhary.
Nokha salbrwini bagwi India o dalbidal kokno twiwi koklam salaianw hwnwi koktwma
Khursathai kwlaio India o abono puila Jamaica ni PM Andrew India sogwimani. Koklma kwrwnganw India PM Narendra Modi baibo.
Abono karwibo India ni President tei Vice-Presidentbaibo malaianw hwnwi koktwma.
Alaida khwlaiwi teikhaksa bwkhak kwnwi haa kotorni tangjima tei baniyano bahaikhe teibo kuchugo tisawi man ayang bwkhakbo yapri naharjagwnw hwnwi khakalaijak wansuk kwrwngrog.
India tei Jamaica kwnwi haa kotorni o yapri selaina naino tongkosong lukurogno yachaklaijak kha kuphurbaikhe. Wansukthani o teibo khakalaijak rangthongni mari kwnwi haa kotor no teibo hamkrai tubunai hwnwi.
