PM Narendra Modi : Amrit Bharat Train no dakti phiyogwi rwnani bwkhak
Kendra mantri Ashwini Vaishnaw kraksalo sakbaithang Amrit Bharat Train no thangwi naikha. Daktino o train no phiyogwi rwnani bwkhak thangnai hwnwibo koktwma thumnairogno. Phiyokmungni pandao tongwi mano Bharat ni mantri bokhorok Narendra Modi. Abono karwibo a salo joto khotol thwgwino berai naikha Railway mantri Vaishnaw.
Teikhaksa bwkhak sawi mankha o malkhung kolok kwsanairogni kokno khorogo wansugwi belai kahamkhe swnamjak tei thanglaisu khwlaithani mungsa jwngjal phaigwlak hwnwibo sakha Mantri.
Khursathai kwlaio o Amrit Bharat Train tongo charging point tei kaham khe swnamjak swtwi eba khithai nok akorog. Alaida khwlaiwi yakung yak manyarogni kokno khorog wansugwibo joto bwkhaktwi kaham khwlaiwi sep sab narwkjakha hwnwi sakha kwrwngjak bedekni samung tangnairog.
Malkhung kolokni Engine sana thangkhe Vande Bharat ni hai Amrit Bharat Trainbo. Railway Minister teibo sakha kubuni train ni swlai belai swlaimung tubujakha Amrit Bharat Train.
