Telangana Governor Jishnu Dev Varman no borom yapharkha : Tripura haphangni bwkhaktwi
Chasalo Tripura ni Mandwi Kharang Community Hall o khwlaikha Civic Reception panda kotor. A salo Tripura Government bwkhaktwi khwlaijakha panda. Telangana Governor Jishnu Dev Varman no borom bwlai yapharjakha.
Naithothok khwlaiwi a salo srisitini kanmung chumwi lama ni khaknwi bwkhak no swrwngnairog lamsoklaikha Tiprasa hastepha no.
Tripura haste ni mantri okra Dr. Manik Saha sakha, Nwng khoroksa kaham rwngthwng kwrwng adong, swikwrwng, hoda no thumsakhe bwskango twlangmani nini yapri eba samung khwlaima sawi sabaiya. Alaida khwlaiwi sana thangkhe Tripura haste ni Haa ni bwsa nwng eba Tripura Royal Family ni khoroksa adong nwng. 2022 bisi 30th October o Tripura ni Hapania bwkhak Science City phiyokjakha Governor Jishnu Dev Varman ni yak romwi.
A salo mantri Bikash Debbarma Bharat haa kotorni mantri bokhorok Narendra Modi tei Bharat ni President Droupadi Murmu no kha kaham yapharkha tangwi hinkhe Haa ni bwsa abohaikhe borom rwui Telangana ni hastepha swnamani belai khatung khaja ni kokmang social media share khaikha.
Telangana Governor Jishnu Dev Varman sakha, ang belai tongthokha abohaikhe Tripura Mandwi ni Kharang Community Hall o ano borom rwmani bagwi. Koklam sana thangwi sakha bwskangni salo joto no tabuk kaham wngnai chwng tabuk jotono thumsakhe samung tangwi hamkraini yapri naharnani abosi ok kotor hwnwi sakha.
Pandao manjakha amchaini MLA Swapna Debbarma, Bolong mantri Animesh Debbarma, Tipras hamkrai mantri Bikash Debbarma, mantri okra Dr. Manik Saha, Sukla Charan Noatia, Shantana Chakma, Pranajit Singha Roy no khobwi tei kubuni.
