Thansa tongkhe manwi mano thinangni sampili: Maharaj Pradyot Bikram Manikya Debbarma
Home Minister of Affair bedekni samung tangnairog kha rwuino khwnalaikha Tripura haa ni jwngjal ni kok. Chwng swrai swraikhe sanmung tisakha chini o sanmung constitution ni bisingo. Tiprasa hamchana eba Tiprasa lukurogni thinangni bagwi o sanmung chwng tisawi phaimani. Tipra Motha Party ni Chairman Pradyot Bikram Manikya Debbarma(Maharaj) belai khatungjakma kok sakha baithangni social media o tei IPFT swkangno Tipraland sanmung tisamani kokbo sakha.
2019 bisio songsamani Tipra Motha party, o party Tripura bosongno hamkrai khwlaina bagwi juda juda khwlaiwi chaitogwi tongo eba dopha hamkraini kokno khorogo wansugwi samung tanglaimani nukjagwi tongo.
Party ni naharmung wngkha Greater Tipraland. O naharmungno twiwino samungbo tangwi tongo bodolni samung tangnairog. Abono twiwino malailaima MHA bedek ni samung tangnairogbai Tipra Motha Party hwnwi kokthum.
