Sangrongsalo Agartala MBB Airport nongkhormani ulono swrai swraikhe sakhwlaikha Bubagra Pradyot Bikram Kishore Manikya Debbarma, khwna haiyakhe tini sairik bwkhak nongkhorwi mano kaisa sakhwlaimung Tripura hasteni Land Rightno twiwi. Bisi kwdwkma romwi naisinglaimani ulo khadulaijak tongmani tongkosong lukurog. Phiya abohai koktwma pirsajakma ulo Tiprasa dopharogni bisingo kisasa mwnwimung nukjakha.
Khursathai kwlaio, sal kisa swkangno kendra Home Ministerbai malaimani tei kok rwmani eba sakhwlainani kokbo tisawi samano rwksawino sangrongsalo koktwma thumnairogno o kok sakha- Pradyot.
Ang jeswk mansak chaitogwi tongo, Tripura hasteno teibo hamkrai khwlainani. Teikhaksa bwkhak ang mungsatwiphano kebel hwnwi gosiwi naharglak. Baksa baksa bororokno thokainani chaitoknai aborogno sininani kokbo sakha Maharaj.
Lamsokmung pandao tongo MLA Ranjit Debbarma, CK Jamatia no khobwi tei kubuni adongrog.
