Tinku Roy : National Ayurveda Day palaikha Tripura hasteo
Phasalo kaisa pandani bisingtwi Agartala Rabindra Bhawan o Hayung Ayurveda sal palaijakha. A salni pandao Tripura hasteni dalbidal hangkhor tei bwkhaste samung tangwi tongnairog kwrwngkha. Swkango sakhwlaijak tongmano rwksawino o salno twiwi hohom dodomkhe palaijakha.
A salni panda mantri Tinku Roy, sakhamni tangdalni koklam agini jora bahai tongmani tei tabuk bahai wngwi phaikha sakhamni tangdal abo norog jotono sawi mano. Bwskangni salo teibo hamkrai phainai Bjp haphang tongsak hwnwibo sawi khwnarwkha.
Tomung dalbidal jwngjal phaiwino mano samung khwlaithani phiya o jwngjal bahaikhe sokomorwi man ayang bwkhak norogbo Ayurveda ni bisingtwi yapri selaina nangnai hwnwibo sawi khwnarwkha Ayurveda ni khoroksa kuchuk beremni saknaikwrwng.
Teikhaksa bwkhak panda paithago Ayurveda ni samung kaham khwlainairogno borom tei sokat yapharjakha.
