Tripura Forest Minister Animesh Debbarma : Rubber buphang kaiwi ajimung manmahai palm oil kaiwibo ajimung manai tongkosong lukurog
Tripura ni Tulashikhor Purba Takchaya kamini Madhuguja kamini Sukhamati Debbarma no palm oil no phiyogwi rwkha Bolong mantri Animesh Debbarma.
National Mission Edible oil and palm oil Scheme bisingtwi Sukhamati Debbarma ni kaichi kanio kaikha tei khatungjakha o samungno bono yapharma bagwi.
Pandao kok narwkthani sakha mantri Animesh Debbarma, Rubber buphang tabuk nukhung ajimung kahamkhe manmahaikhe oil palm ni bwthaibo kahamkheno manai. Teikhaksa bwkhak oil palm no tongkosong lukurog no kainani bagwibo koikha mantri.
Pandao manjakha ADC Khowai Zonal Chairmen Chitra Debbarma, Tapash Debbarma, Fani Bushan Jamatia no khobwi tei kubuni samung tangnairog.
