Tripura, Meghalaya tei Manipur : o kaitham hasterogno 21st January 1971 state foundation day

by Gobin Debbarma - Feb 8, 2024 6:36 AM

Tripura haste 21^st January 1971 bisio Foundation Day hwnwi palaijago. Abono karwibo Northeast ni kaichar hasterogni bisingo Manipur tei Meghalaya hastenibo a sal songsama sal. O salno twiwi Mumbai Raj Bhavan ni kaisa conference hallo khwlaijakha panda kotorma khwlaiwi. O kaitham hasteni dalbidal hukumu mukumu no twiwi panda akorogbo khwlaijakha.

Tripura hasteni hukumuno twiwi tongnai eba hamjaknairogno o salno twiwi khatung khajakhe pandao kwrwngkha tei mwsamung akorogbo phunuklaikha tei pandao dalbidal hasteni ojama okrarogbo manjakha.

Ramesh Bais hastepha tabuk Maharastrani hastepha. Phiya jora kaisao bo Tripura 18^th number hastepha tonglangmani. Bo Tripura eba Northeast o kaitham hasteni hukumu mukumuno belai juda khe nukjago hwnwibo koktwma.

Apon Debbarma khoroksa hukumu no twidulnai bisi kwdwkma romwi. Hastepha abohaikhe yapri naharmano twiwi Apon sakbaithang Social Media o hambai yapharkha Ramesh Bais no.

Tripura ni wngwi a salo Tripura Tribal Folk Music College ni mwsakwrwngrog pandano mwchangrwkha eba gothokrwkha. Abohai panda kwrwngmani mwsamung simi phunukma kwlaiya, sakni dopha tei hukumuni kaisa mari hwnwibo baksa baksa tongkosong tongnai lukurog kha chonglaijak.