Union Home Minister Amit Shah : NLFT tei ATTF agreement, GOI yapharkha 250 Crore Package
Srangsalo kaisa pandani bisingtwi New Delhi NLFT tei ATTF adongrogno 250 crore yapharkha kendra haphang. A salo joto 328 adongrog kaham lam o kiphilkha eba sak bedekha.
Home Minister Amit Shah a salo joto kwrwngjak adongrogno kha kaham yapharkha tei PM Modi nobo kha kaham yapharkha. Tangwi hinkhe bini yapri naharma bisingtwino o samung bwtang khwlaijakha.
Bisi thamchiba ni ulo tongkwchang kiphilwi tubunani bagwino o yapri.
India Govt. kha khwlaio abohai samung sitra tangnairogno tongkwchangni bisingtwi hasteo hamkrai khwlainani bagwino 250 crore package ni gosimung rwkha.
Khursathai kwlaio laiwi thangjak bisi ba swkang eba Modi haphang khaphuruni simi Salka babai hasterogni bisingo jotowi kaichinwi agreement gosimung rwkha. Aboni bisingo kaitham agreement Tripurabai kwrwngjak.
A salni koklam pandao tongo Tripura CM Dr. Manik Saha, Union Home Minister Amit Shah, Tripura Maharaj Pradyot Bikram Kishore Manikya Debbarma, MP Biplab Kumar Deb, MLA Ranjit Debbarma no khobwi tei kubuni samung tangnairog.
