Union Home Minister Amit Shah bai tangwi atomsa malaina nangkha Tripura ni Minister Sukla Charan Noatia !
Osa mwtai ni salo atomsa New Delhi o Union Home Minister Amit Shah bai malaikha Tripura ni Minister Sukla Charan Noatia. Tripura haste ni hamkrai no wansukgwi o malaimung hwnwibo koktwmao sawi mankha.
Baithangni social media o share khaikha bwskangni salo bahaikhe teibo hamkrai rwui man ayang bwkhak naisigwino kok khalaikha hwnwibo koktwma.
Teikhaksa bwkhak Minister wngmani bisisa khaksa wngmani ulo jeswk mansak lukurogni dalbidal hamkrai ni kokno wansugwino bahaikhe teibo hasteni lukurogno hamkrai ni lam phunugwi man aborogno twiwibo kok salaikha hwnwi koktwmao swrai swrai.
Bwskangni salo dakti no kendra ni bwkhaktwi teibo kwbangkuk khwlaiwi co-operative ni bisingtwi chwngsasani yapri wngwi mano hwnwi khakalaijak tongkosong lukurog.
