Takhuk bukhuksong TTAADC nokhani simi klaiphaiya , bwswk borok bohrokni thinangno ma tharkha, along nogo chopjakha, satok pitok khlaijakha, thwima lukhlaikha.
1968 ni simi choba chengwi 1984 bisiose TTAADC yapharjago .
Muitu khlaidi bohrokni kokno .
Bg Shyamacharan Tripura sebuk tongmani , chakri eba samung yakarkha
Bg Drau Kr Reang phwrwngnai tongmani , samung yakarkha .
Bg Horinath Debbarma phwrwngnai tongmani
bobo sebukni samung yakarkha .
Bg Nagendra Jamatia pwila beremni Tiprasa Graduate , sebukni samung Nama kwrwi .
Abotwinu Bg Jagadish Debbarma , Rabindra Debbarma , Swabda Kr Jamatia ni khobwi tei bo Sai Sai Tiprasa sengkrakrok.
Bg BK Hrangkhol bini sikla jorano Dophani bagwi tharwi rwkha .
Chini dophani kwbang thwiplaiyarok tongbaio .
TSF ni founder president Sukhomoy Debbarma , Birbikram Jamatia no karwi teibo rara Tiprasa sengkwraksong .
Bikramjoy Rupini Tiprasani bising pwila MA LLB
bobo bini langmano tharkha .
Tiprasani hamkrai sanwi thwiplaiya wngkha TSF teibo kwnwi kasko Biswa Debbarma bai Alindra Debbarma .
Takhuk bukhuksong ani jotoni thani swngmari
Aswk borokni muktwi , kolomtwi , tharmung, sacrifice , satokjakmung chwng ereng eba hakachichi de khlaina muchung . TSF, TUJS , TUKS , TSNB achaiya hwnkhe chwng ADC manglakhamu .
Regional party tabuk joratwi chwngno mwthang tonikha , dophano mwthang narukha , jora jorao o kisa misa lama korowi phano mano .
Tabuk jora sokphaikha bwkha soi khlainani .
Baithangno swngdi nwng tamo san ?
Nini nwsa nwtwi suk songni mwkhang naisugwi uansukdi nini tamo nang ?
Jora sokphaikha bwkha chongnani thinangni bagwi , kubuini bagwi , thangmarinj bagwi , sinimarini bagwi, kokborokni bagwi, hani bagwi , hukumu mukumuni bagwi , sinimarini bagwi , empowerment bagwi , constitutional safe guard ni bagwi jotoni saka TTAADC no mwthang narukna bagwi .
Swinai- Dr. Bijoy Debbarma
